Quinto Giorno
Rappresentazione su tela 50x70 di Mimmo Ganci Chiodo (Quinto giorno)
In mostra presso la Pro-Loco di Alimena
Testo
Siguitavanu lu viaggiu
S. Giuseppi cu Maria
suppurtannu ogni disagili
ogni affannu e travirsia.
E tu ingratu e scunuscenti
si patisci ti lamenti.
Cincu jorna di caminu
far'insemi bisugnaru
camminannu di continuu
senza aviri nuddu riparu.
Stanculiddi ed affannati
puvireddi e disprizzati.
Pensa tu lu vicchiareddu
quantu lassù e stancu sia
caminannu puvireddu
sempri a pedi pri la via.
La spusa riguardava
affannatu suspirava.
Chi viaggiu dulurusu
ca fu chistu pri Maria!
Ntrà l'nfernu rigurusu
ntrà lu friddu e la stranìa
la Signura di lu Celu
ntrà muntagni, jazzu, jelu!
Binchì l'Angili assistianu
rispittusi li guardavanu
li timpesti ca facianu
troppu assai li turmintavanu.
Viaggiava mudistedda,
agghiazzata, ngriddutedda.
Su custritti a ripusari
di li staddi ntrà l'agnùni,
e ntrà funnachi alluggiari
sti cilesti e gran pirsuni.
Oh ch'eccessu d'umiltà!
Chi nun chianci pri pietà?
Senza chiantu cu po' stari.
riflettennu, chi? Maria
è custritta ad abitari
di animali ncumpagnìa.
Quantu affruntu Maria senti
misa in menzu a tanta genti.
Però quantu vosi Diu
cu pacenza suppurtau,
ogni pena, affannu riu
suppurtannu stu disagili
finiu in tuttu lu viaggiu!